U Gran Libru - Studiicorsi

Un Prughjettu Cullaburativu

Stu libru hè u fruttu di u travagliu di a cumunità. Ogni parolla, ogni definizione hè stata scelta è validata par assicurà a più grande pricisione.

Vede e tematiche

Cuntinuà a navigazione

Viaghjate à traversu e paghjini clicchendu
nantu à u libru o utilizendu i buttoni.

STUDII CORSI · MMXXVI

◆

DIZZIUNARIU

di a

Lingua Corsa

Lingua viva · Tradizione · Trasmissione

263 parolli · Edizione numerica

STUDIICORSI

À Zozzò spr. 1. Parolla zitillina : "à camancellu", "à cavallu" ("Zò" è "Zè" sò onomatopée da fà avanzà sumeri è muli).

Abbadatà v. 1. Impruvisà un lamentu funebru.

Abbaddatori nm. 1. Parsona chì impruvisighja un lamentu funebru.

Abbaddatu nm. 1. Lamentu funebru, vociaru.

Abbaghjera nf. 1. Abbaghji cuntinui.

Abbaghju nm. 1. Fattu di abbaghjà, mughju di u ghjacaru.

Abbaglià v. 1. Inturbidiscia a vista da un spirionu, splindori. Abbarraculà, abbaglià, abbadduchjà, cicà.

Abballuchjà v. 1. Inturbidiscia a vista da un spirionu, un splindori. Abbarraculà, abbaglià, abbadduchjà, cicà.

Abbandà v. 1. Metta insemi. Fà vena à u stessu locu. Accodda, aduniscia, ragruppà.

Abbarraculà v. 1. Abballuchjà, abbadduchjà, cicà : U soli m’hà abbadduchjatu. Una biddezza chì ti ceca.

Abbassevuli agg. 1. Chì si pò abbassà, calà.

Abbastanza avv. 1. Da una minera chì basta.

Abbraciulà nm. 1. Tena, purtà in i braccia, parlendu di un ziteddu.

Abbuchjà v. 1. Dà, sciaccà. Abbuchjà un travaddu à calchissia. Abbuchjà un cazzotu. Abbuchjà un zeru à un scularu.

Abbuchjà (si) v. 1. Purtà, suppurtà, sciacca si. M’abbuchju tuttu u travaddu. M’abbuchju à Petru a ghjurnata sana.

Accantà v. 1. Metta da cantu.

Accortatoghju nm. 1. Caminu più cortu chè a strada principale.

Acqua Suvale nf. 1. L’acqua suvale hè quand’ellu piove di manera fine è durante assai tempu, vale à dì chì l’acqua s’infilza in a tarra, prufonda è ricca quante u suvu, chi hè assai bona per a tarra.

Agricultore nm. 1. Persona chì travaglia a terra è pruduce prudutti agriculi, cum’è ligumi, frutti, cereali o allevu d’animali.

Agricultori nm. 1. Persona chì travaglia a terra è pruduce prudutti agriculi, cum’è ligumi, frutti, cereali o allevu d’animali.

Aguzzinu nm. 1. Omu ch'ùn hà valori, viziatu, à quali li piaci i soldi.

Alleteratu agg. 1. Chì hè istruitu: un’omu alleteratu.

Anciu nm. 1. Aria chì veni da i pulmona è chì sorti da u nasu è a bucca. Ùn avè più anciu. Ùn si senti mancu un anciu. Soffiu, fiatu.

Aostu nm. 1. Ottesimu mesi di l'annu, cù trentunu ghjorni.

Appradà v. 1. Utilizà, aduprà.

Aprile nm. 1. Quartu mesi di l'annu, cù trenta ghjorni.

Aprili nm. 1. Quartu mesi di l'annu, cù trenta ghjorni.

Arburu nm. 1. Vegetale maiò fattu di legnu, cù branchi chì facini frondi o pinaculi, ecc.. è chì ponu pruduce frutti.

Arechja nf. 1. Parti di u capu chì parmetti di senti u sonu.

Arichjoni nm. 1. Chì hà arechji maiò. Chì s'intaressa à ciò ch'ùn duvaria micca, ch'ascolta i discussioni di l'altri.

Attrazzu nm. 1. Ughjettu chì parmetti di fà, o chì aiuta. Si pò ancu dì un arnesu.

Azezu nm. 1. Invispitu, in zerga.

Babbitu nm. 1. U to babbu.

Bagnatoghju nm. 1. Pozzu artificiali induva hè racolta l'acqua pà sfarennti usi.

Baretta Sullatina nf. 1. Spezia vegetali chì si ritrova solu in Corsica, assai tossica cù fiori viuletti (aconitu di Corsica).

Beie v. 1. Fattu d'ingolle un liquidu.

Bia v. 1. Fattu d'ingolle un liquidu.

Bianchina nf. 1. Parsunificazioni, manera affettiva di parlà di a nevi.

Billicu nm. 1. Si trova à mezu à u corpu, hè una cicatrici naturali chì ferma dopu à a nascita quandu a parti chì u rilega à a mamma hè tagliata.

Bisestu nm. 1. Forte fame. Avè u bisestu.

Bistrascià v. 1. Strazià mondi, soffra. Bistrascià pà vincia a so vita.

Bocca nf. 1. Parte di l’Omu sottu à u nasu, chì permetta di rispirà magnà è sprima si.
2. Locu muntagnolu u più bassu trà dui cimi.

Botti nm. 1. Arnesu pà ribuccà l’acqua, chì ghjova à fà bia l’animali in tempu di sicchina.

Braghjosu agg. 1. Famitu assai, ingordu.

Bravu agg. 1. Qualchissia chì hè bonu, chì faci u bè, chì hè amabili cù l'altri. Asempiu : Issu ziteddu hè bravu.

Bruttu nm. 1. Ch'ùn hè micca pulitu.

Bucia nf. 1. Dettu ch'ùn hè veru. U cuntrariu di a verità.

Buciardu nm. 1. Ch`ùn dici micca a verità, chì dici bucii.

Buttiglia nf. 1. Recipientu, in plasticu o in vetru chì permetta di cuntena un liquidu, l’acqua par asempiu.

Caccavellu nm. 1. Pastizzaria tonda cù un'ovu à nantu, fatta pà a Pasqua.

Cagnacciu nm. 1. Animali acquaticu putenti è feroci, cù denti affilati, chì faci a paura à i bagnatori.

Calata nf. 1. Custruzzione chì avanza in mare, da ch'elli possanu accustà più faciule i battelli.

Calateu nm. 1. Usu di tene si bè, d’avè manere currette, d’esse ben’allivatu.

Calcagnu nm. 1. Parte di l'omu sott'à u pedu chì si trova in daretu, à l'estremità.

Calzarota nf. 1. Oghjettu tondulu, di gomma, chì si mette ingiru à a rotula di una vittura.

Campanile nm. 1. Pastizzaria tonda cù un'ovu à nantu, fatta pà a Pasqua.

Canaleddu nm. 1. Picculu canali, cunduttu.

Candedda nf. 1. Piccula quantità di liquidu di forma tunduledda, gucciula.

Cane nm. 1. Mammiferu dumesticu di razza canina, aspessu allevatu da l'Omu. Esiste una razza corsa, u "Cursinu" utilizatu à a caccia in generale, è certe volte pè curà u brancu.

Capellu nm. 1. Pelu chì si trova annant’à u capu, di regula, ùn hè mai solu.

Capifalu agg. 1. Chì hà i capelli gialli.

Cappellu nm. 1. Vistitu chì si metta annant’à u capu, da imbelliscia si o riscaldà si.

Caracutu nm. 1. Arburu cù frondi chì pizzicanu è chì faci frutti rossi d'invernu. Si vedi in i casi di Natali.

Carrega nf. 1. Ughjettu chì ghjova à pusà si cù una spallera è senza bracii. Pà una sola parsona. Si ritrova à spessu in giru à una tola pà sparta a cena.

Carrigonu nm. 1. Mobuli assai maiò chì ghjova à pusà si, cù bracii è spallera, pà una sola persona.

Casa nf. 1. Bastimentu fattu pà campà, locu famigliali.

Cavallu nm. 1. Mammiferu maiò di a razza cavallina cù una coma, dumesticatu cum’è un animale di trasportu.

Cazzu nm. 1. Apparechju genitale di u masciu.

Chinetta nf. 1. Fussettu, canalettu.

Chjava nf. 1. Ogettu chì permette d'apre una porta.

Ciccià v. 1. Tirà i capelli à qualchissia.

Ciccunata nf. 1. Rimori di i cicconi d'una ghjesgia pà annuncià un evenimentu (interru, messa, matrimoniu...).

Cìmicia nf. 1. Picculu insettu, suventu verde, chì puzzicheghja è chì campa duve omu hè. Suchja u sangue animale è umanu pà nutrisce si.

Cioccia nf. 1. Parolla impiegata pà parlà d'una mamma possessiva, prutetriccia è impiserita

Cismonte nm. 1. Supranu di a Corsica, secund'à i ghjenuvesi chì l'anu tagliata in dui parti pà rapportu à i monti.

Coddu nm. 1. Parti di l'omu chì teni u capu.

Coppiu agg. 1. Chì a divizioni pà dui parmetti l'uttinzioni di un numaru sanu. Dui, quattru è sedici sò numari coppii, pari.

Cori nm. 1. Urganu vitali chì servi à a circulazioni di u sangui. Dinò u simbulu di l'amori.

Cruviddà v. 1. Fà picculi tafoni.

Cuccunellu nm. 1. Utiizatu da a mamma pà parlà di u so figliolu tinutu caru, vicinu assai di a so mamma. A minnana l'adopra dinù pà u figliulellu.

Cuchja nf. 1. Femina di u cane.

Cugnatu nm. 1. U fratellu di u sposu ò di a sposa. U sposu di u fratellu ò di a fratella.

Cullana nf. 1. Ghjuvellu chì si mette ingiru à u collu.

Cuparchjata nf. 1. Rettilu à quattru zampi, cù una carapazza chì pruteghja u so corpu.

Cuppulata nf. 1. Rettili à quattru zampi, cù una carapazza chì pruteghji u so corpu.

Curreghja nf. 1. Gasu chì sorti di l'ochju merlinu, chì puzza è chì faci più o menu rimori.

Curtella nf. 1. Strumenti taglienti chì ghjova à muzzà, cumpostu d'una fiamma è d'un manechju.

Decembre nm. 1. Dodecesimu è ultimu mesi di l'annu, cù trentunu ghjorni.

Dì v. 1. Fattu di sprime si cù a so bocca, di parlà.

Dicembre nm. 1. Dodecesimu è ultimu mesi di l'annu, cù trentunu ghjorni.

Dicembri nm. 1. Dodecesimu è ultimu mesi di l'annu, cù trentunu ghjorni.

Dizziunariu nm. 1. Raccolta di parolli è sprissioni d'una lingua, prisentati in un ordini alfabeticu, chì dà definizioni è informazioni nant'à elli.

Dumenica nm. 1. Settimu è ultimu ghjornu di a settimana. Ghjornu di u signori.

È Buffa Dalli spr. 1. Torna, un'altra volta.

Elettu nm. 1. Parsona chì hè stata vutata. Parlemu di demucrazia.

Erba Bambina nf. 1. Spezia vegetali chì s'appicca à i scogli quand'elli sò à l'umbria in un locu mucidu.

Fantinu nm. 1. Parsona chì campa senza cumpagnu, ch'ùn hè micca in coppiu (nè maritatu, nè accumpagnatu).

Farraghju nm. 1. Sicondu mesi di l'annu, u più cortu, cù vintottu ghjorni o vintinovi pà l'anni bisestili.

Ferraghju nm. 1. Sicondu mesi di l'annu, u più cortu, cù vintottu ghjorni o vintinovi pà l'anni bisestili.

Figliu nm. 1. Parsona chì campa senza cumpagnu, ch'ùn hè micca in coppiu (nè maritatu, nè accumpagnatu).

Fitonu nm. 1. Salciccia secca di fecatu purcinu. Specialità bastergaccia.

Fiumi nm. 1. Scurrimenti d'acqua alimentatu da fiumicelli, assai maiò chì si lampa in u mari. U Golu, a Gravona in Corsica par asempiu.

Fiumicellu nm. 1. Scurrimenti d'acqua alimentatu da ruscelli, chì si lampa in un fiumi.

Fiuretta nm. 1. Seguita di fiuri chì contani una storia, i parolli è i pinseri di i parsunnaghji so scritti in buscichelli. "Asterix in Corsica" pà asempiu.

Fogliu nm. 1. Carta di regula rettangula induve si scrive.

Fraiu nm. 1. Rimori cuntinuu cum'è di un mutori.

Fratellu nm. 1. Altru figliolu di i parenti.

Frittata nf. 1. Ovi battuti chì si ponu magnà cù u brocciu è a menta. Una frittata di brocciu, di pomi dinù.

Fuconi nm. 1. Locu cintrali d'una casa pà riscaldà si è priparà a cena. Locu di vita di a casa, simbulu di a vita paisana corsa è di a famiglia.

Funziunariu nm. 1. Persona chì travaglia per u statu, una cullettività publica o un’amministrazione, è chì hà u statutu di funziunariu.

Ghjacaru nm. 1. Mammiferu dumesticu di razza canina, aspissu allivatu da l'Omu. Aiuta à caccighjà.

Ghjandaghja nf. 1. Aceddu di a famidda di i corbi cù l'ali turchini. Di u so nome latinu : "Gaius"

Ghjargalu nm. 1. Rione strettu è scavatu da un fiume. Picculu corsu d'acqua.

Ghjastema nf. 1. Parolla inghjuriosa contru à a relighjone o un sgiò. Surtilegiu chì vole fà u male.
2. Surtilegiu chì vole fà u male.

Ghjattu nm. 1. Picculu mamiferu di a famiglia di i felini, à pelu cortu o longu, arechji triangularii è granfii rientrevuli.

Ghjennaghju nm. 1. Primu mesi di l'annu, cù trentunu ghjorni.

Ghjesgia nf. 1. Edifiziu induva i cristiani celebranu i so culti.

Ghjinnaghju nm. 1. Primu mesi di l'annu, cù trentunu ghjorni.

Ghjovi nm. 1. Quartu ghjornu di a settimana. Ghjornu di u diu rumanu "Jupiter".

Ghjugnu nm. 1. Sestu mesi di l'annu, cù trenta ghjorni.

Ghjunghju nm. 1. Sestu mesi di l'annu, cù trenta ghjorni.

Goffu agg. 1. Ch'ùn hè micca beddu, ch'ùn faci micca piacè à fighjulà. Cuncettu sughjettivu di a visioni ch'avemi d'un ughjettu o una parsona.

Gravidanza nf. 1. Quandu una donna aspetta una creatura.

Incamurrà v. 1. Impidiscia un ghjacaru di apra u muccichili blucchendu li cù a camurra. In pruminata, ci voli chì i ghjacari sighini incamurrati.

Incasgiulatu agg. 1. Cupartu di neve, adupratu à spessu per dì una muntagna incasgiulata, fiura cum'è s’ella era cuparta di casgiu.

Inchjostru nm. 1. Liquidu neru o turchinu chì si mette in e penne per scrive. Liquidu resu da a seppia.

Incuchjitu agg. 1. Statu di chì hè ghjilatu, paralizatu da u fretu.

Inghjulianti agg. 1. Chì affendi di modu murali.

Innalzà v. 1. Purtà versu l'altezza.

Inuliatu nm. 1. Torta, cù assai oliu, priparata pà a settimana di a Pasqua in Aiacciu.

Isula nf. 1. Terra staccata da u cuntinente.

Labiale nm. 1. Chì cuncerna e labbre: musculu labiale.- Dettu di sonu prununciatu di labbre: "p", "b" sò cunsunanti labiali.

Latichju nm. 1. Omu chì t'hà u vizziu cù i donni.

Làttara nf. 1. Fruttu di u palmu. Fruttu suventu vinutu da i paesi caldi.

Libru nm. 1. Ducumentu scrittu, cumpostu d'un insemi maiò di pagini riligati. Hè un supportu di lettura chì po parmetta a diffusioni è a cunservazioni di testi di naturi varii.

Luddu nm. 1. Settimu mesi di l'annu, cù trentunu ghjorni.

Lugliu nm. 1. Settimu mesi di l'annu, cù trentunu ghjorni.

Luni nm. 1. Primu ghjornu di a settimana. Ghjornu di a Luna.

Macagna nf. 1. Arti di schirzà cù una parsona di manera irritatriccia, senza ferì la.

Machja nf. 1. Vegetazione fitta è salvatica cumposta soprattuttu d’arbusti bassi (cistu, morta, scopa, leccia…), chì cresce naturalmente in parechje parte di a Corsica è copre e culline è e muntagne.

Maghju nm. 1. Quintu mesi di l'annu, cù trentunu ghjorni.

Magnà v. 1. Fattu di nutriscia si, cù a bocca.

Malamorti nf. 1. Morti micca naturali, di manera ghjenerali viulenta.

Mamma Piera spr. 1. Parsunifinicazioni di a fami, spessu utilizata pà i puesii.

Mammata nf. 1. A to mamma.

Manghjà v. 1. Fattu di nutrisce si, cù a bocca.

Marchjà v. 1. Attu di spiazzà si cù i so ghjambi, d'andà in davanti di regula, ma ancu in daretu.

Marcuri nm. 1. Terzu ghjornu di a settimana. Ghjornu di u diu rumanu "Mercure".

Mare nm. 1. Vastità d’acqua salita.

Marolla nf. 1. Ciò chì stà indentru à l'ossu.

Marti nm. 1. Sicondu ghjornu di a settimana. Ghjornu di u diu rumanu "Mars".

Marzina nf. 1. Piccula vesta chì si mette trà dui staghjoni.

Marzu nm. 1. Terzu mesi di l'annu, cù trentunu ghjorni.

Masgera nf. 1. Longa petra rettangulari chì pò esse di granitu. Si pò fà banchi cun'ella.

Muredda nm. 1. Spezia vegetali ritruvata à spessu in Corsica, vicina di a tarra, chì si pò ricunnoscia cù u so muscu è i so picculi fiori ghjalli.

Murella nf. 1. Spezia vegetali ritruvata à spessu in Corsica, vicina di a tarra, chì si pò ricunnoscia cù u so muscu è i so picculi fiori ghjalli.

Murena nf. 1. Animali acquaticu, chì s'assumiglia à un serpu, cù denti affilati. Si piatta in i tufoni di i scoglii.

Murgugnulà v. 1. Parlà di manera cunfusa, pruvendu à imbruglià.

Murza nf. 1. Spezia vegetali ritruvata à spessu in Corsica, vicina di a tarra, chì si pò ricunnoscia cù u so muscu è i so picculi fiori ghjalli.

Muscà nf. 1. Chì senti bonu (cù u nasu). Cuntrariu : puzzà.

Musca nf. 1. Un odoru bonu. Cuntrariu : puzza.

Muzza nf. 1. Apparechju genitale di a femina.

Nanna nf. 1. Cantu chì accumpagna u principiu di a vita, utilizatu à spessu pà fà dorma i ciucci.

Nasu nm. 1. Parte di l'omu trà l'ochji è a bocca, à u centru di a faccia, chì ghjova à rispirà è à sente.

Nischju agg. 1. Chì a divizioni pà dui ùn parmetti micca l'uttinzioni di un numaru sanu. Unu, trè è dicesetti sò numari nischji, spari.

Nittera nf. 1. Azzioni di puliscia un locu, nittà. A nittera di a casa.

Noia nf. 1. Pena spressa da u pinseri. Dà noia à calchissia.
2. Imprissioni di biotu inghjinnata da a sfaccenda, l'inazzioni, un accupazioni senza intaressu. Una noia murtali.

Novembre nm. 1. Ondecesimu mesi di l'annu, cù trenta ghjorni.

Nulla avv. 1. Chì ùn ci hè. Ùn ci hè nulla.

Nuvembre nm. 1. Ondecesimu mesi di l'annu, cù trenta ghjorni.

Nuvembri nm. 1. Ondecesimu mesi di l'annu, cù trenta ghjorni.

Ogliastru nm. 1. Alivu salvaticu.

Ottobre nm. 1. Decesimu mesi di l'annu, cù trentunu ghjorni.

Paghjella nf. 1. Scrittu di sei versi d'uttunarii spiccati in trè distichi, cantatu da trè voce, u bassu, a siconda è a terza senza strumenti.

Palisà v. 1. Mette in risaltu, fà cunnosce qualcosa. Testimunià.

Palmentu nm. 1. Strumentu tradiziunale adupratu per sfracicà l'uva quandu si facia u vinu. Custruitu d'una cuva induve si mette l'uva è d'un sistema d'ingranera chì mette in muvimentu i rotuli.

Panzarotti nm. 1. Frittelli di farina di cecii fatti pà a San Ghjisè, in Bastia sopratuttu.

Parlà v. 1. Azzione per sprime idee, sintimi o infurmazione cù a voce, aduprendu parolle. Permette di cumunicà. Esempiu: "Parla cù i so amichi".

Passaghju nm. 1. Fogliu chì auturizighja u viaghju da un locu à un antru. Cumprà un passaghju di trenu.

Passioni nf. 1. Sintimi forti d'amori o d'intaressu pà qualchissia o qualcosa. Asempii: "A si bii cù passioni.", "A so passioni hè u cantu."

Pescia nf. 1. Pesciu chì campa in i ghjargali è i fiumi corsi. Di u so nome latinu : Salmo Cettii Macrostigma.

Piscaghjola nf. 1. Attrazzu longu è finu chì parmetti di piscà.

Piscia nf. 1. Acqua chì casca di a muntagna, chì si lampa da un puntu altu.

Pizzicu nm. 1. Bocca di l'acelli, longa, senza denti.

Primu Pelu nm. 1. Pelu dolci ch'ani l'acelli nanz'à i so piumi.

Prucantula nf. 1. Recità formule magiche chì anu per scopu di produce incanti nant’à qualchissia o qualcosa: e prucantule per signà u focu, l’ochju, i vermi, u sole s’amparanu a notte di Natale o di a San Ghjuvà.

Prufessori nm. 1. Omi o donna chì insegna una materia specifica à u livellu culleghji è licei.

Prumittidori agg. 1. Chì prumetti, prumissu à un beddu avvena. Un ghjucadori di pallò prumittidori. Un prughjettu prumittidori.

Pugnitopu nm. 1. Piccula spezia vegetali chì pizzica è faci frutti rossi (cum'è u caracutu ma ùn hè un arburu). I pastori ne mettianu in i muri di i casgili, o di i stazzi, ecc, da tena i topi fora.

Pulitu agg. 1. Ch'ùn hè micca bruttu, chì hè statu lavatu. Si dici di qualcosa o di qualchissia.

Pumonte nm. 1. Suttanu di a Corsica, secund'à i ghjenuvesi chì l'anu tagliata in dui parti pà rapportu à i monti.

Punta nf. 1. Pezzu di ferru pinzutu adopratu da l’artigiani.

Puppatoghju nf. 1. Recipiente adupratu per dà u latte à i ciucci.

Puzza nf. 1. Un odoru micca bonu. Cuntrariu : musca.

Puzzà v. 1. Chì ùn senti micca bonu (cù u nasu). Cuntrariu : muscà.

Quadrigliu nm. 1. Ballu tradiziunali chì si balla in un quartu di copii, ritruvatu à spessu dd'istati in i balli è festi di paesi.

Ravanetta nf. 1. Pianta di l'ortu à a radica russa è magnevuli. Piantà i ravanetti.

Retrospechju nm. 1. Picculu spechju d'una vittura chì ghjova à fighjulà in daretu.

Rughjulu agg. 1. Pienu à rasu.

Ruloghju nm. 1. Strumente mecanicu chì ghjova à dà l’ora.

Rumenzula nf. 1. Oghjettu induva si metti u lozzu ch'è no vulemu ghjittà.

Sabbatu nm. 1. Sestu ghjornu di a settimana. Ghjornu di u sabbat.

Sacristia nf. 1. Locu in fondu di una ghjesgia induva sò cunservati l'ughjetti sacri è induva si pripara u curatu nanzu à a messa.

Saldà v. 1. Lià dui pezzi mitallichi.

Scachjulu agg. 1. Utilizatu à spessu pà parlà di un ughjettu chì si sbremba, si sciappa faciuli.

Scalzacane nm. 1. Omu di pocu valore.

Scialbu nm. 1. Vistura di cimentu, calcina, tarra rossa, ecc (allisciati o micca).

Sciuma nf. 1. Parolla utilizata dinò per qualificà u biancu durante à a cucera di u brocciu chì ci vole à sciumighjà cù a sciumaghjola nanzu di raccoglie u brocciu cù u stessu strumentu.
2. U biancu à l'altura di u marosu. Si pò dì u marosulu o a sciuma.

Sciusciettu nm. 1. Ventu frescu chì falla di a muntagna. Soffia d’inguernu sin’à u veranu.

Scola nf. 1. Stabilimentu induva sò dati corsi culletivi, ghjinirali o specializati, pà l'amparera di i zitelli, o di i più maiò.

Sconciu nm. 1. Piantata di una gravidanza nanzu à a so finiscenda.

Scopa nf. 1. Ghjocu di carti induva i setti è i danari sò i carti i più impurtanti. Tandu u setti di danari, o settibellu, hè a più impurtanta.

Settembre nm. 1. Novesimu mesi di l'annu, cù trenta ghjorni.

Sgambittinu nm. 1. Ughjettu chì servi à pusà si, senza spallera è senza bracci, nant'à pedi pà una sola parsona.

Sintinellu nm. 1. Omu chì campava in una torra (genuvesa). Avia cum'è rolu di mirà u mari è accenda u focu pà privena l'altri torri quandu ghjunghjinani l'invasori.

Sittembre nm. 1. Novesimu mesi di l'annu, cù trenta ghjorni.

Sittembri nm. 1. Novesimu mesi di l'annu, cù trenta ghjorni.

Socera nf. 1. Mamma di u maritu , rispettu à a moglia, o mamma di a moglia rispettu à u maritu.

Soghjuru nm. 1. Cappella turcicata è arrutulata annant'à u capu.

Spichjetti nm. 1. Coppiu di vetri, incastrati in un sciaccunettu, appughjatu nant'à u nasu, davant'à l'ochji, chì parmettani di pruteghja o amendà a vista.

Spignifocu nm. 1. Parsona chì faci un mistieru chì hà cum'è ughjettivu di salva a ghjenti è spigna i fochi.

Sporta nf. 1. Arnesu in saliciu pà cuntena è pà trascinà, utilizatu à spessu in i cuglieri.

Stà in trè tempi spr. 1. Esse abbagliacatu, ùn truvà nulla à risponde, esse intrasanditu.

Steccu nm. 1. Pezzettu sfusulu di legnu.

Stitutori nm. 1. Omu o donna chì insegna parechji materii (francesu, storia, sportu) in scola elementaria.

Stollu nm. 1. Populu, mansa di ghjente.

Storia nm. 1. Disciplina chì ci conta u passatu di una terra, d'una sucetà...

Studienti nm. 1. Parsona chì seguita corsi d'un'università o d'una scola suprana dopu à u bascigliè o un'equivalenza.

Sulana nf. 1. Locu spostu à u sole.

Suletta nf. 1. Parte di u scarpu chì hè in cuntattu cù a terra. À spessu di cochja o di materia sintetica.

Sullizzicà v. 1. Azzione di fà sullizzichi.

Sullizzicu nm. 1. Spressione ghjucarina aduprata sopratuttu da i zitelli per indicà una carezza chì face ride. À spessu aduprata per ghjucà. Esempiu: « Li hà fattu sullizichi per falla ride. »

Sunà v. 1. U fattu di "ghjucà" d’un strumentu di musica.

Surella nf. 1. Altra figliola di i parenti.

Surpulà v. 1. Magnà o bia fendu un rimori d'aspirazioni.

Talamone nm. 1. Musculu situatu à nantu à l’avambracciu. Serve à piegà u goitu è à tirà l’avambracciu versu sè. Hè furmatu da dui musculi. Esempiu:”E trazzione facenu travaglià i talamoni”.

Tama nf. 1. Muzzicone rondu. Un dipenda micca di l'essenza di l'arburu ma di a so forma ronda.

Tavuloni nm. 1. Pannellu induva si scrivi cù un fetru o una calcinella, ritruvatu a spessu in scola par asempiu.

test nm. 1. test

Tilaghju nm. 1. Cadru di una porta.

Tragulinu nm. 1. Parsona chì porta roba da manghjà è parechji altri cosi cù un camiò in i paesi luntani d'una cità. Ogni matina a ghjenti aspettani u tragulinu pà cumprà u pani.

Trascelta nf. 1. Quand'omu ghjetta i so mulizzi, t'hà a pussibilità d'urganizà li da pudè ripiglià li è fà ne ughjetti novi. Hè a trascelta, parmetta di minurà a pulluzione.

Triglia nf. 1. Pesciu marinu di culori russu à a carri ricircata. Ani piscatu una triglia tamanta.

Trincà v. 1. Mutà direzzione. Trincà à diritta, à manca.

Turchinesu nm. 1. Marzina di regula turchina chì si vede aspessu in Corsica alora ch'ella hè d'urighjina chinese.

Tuvadda nf. 1. Gran'stracciu pà asciutà si. Pò esse specificu pà andà à u fiume, u mare o à lavà si.

Umanu nm. 1. Un essare umanu, un omu o una donna.

Umbria nf. 1. Locu à l'ascosu di u sole, u so cuntrariu hè "sulana".

Usciusciolu nm. 1. Attu d'andà di porta in porta. À a sant'Andria i zitelli facenu l'usciusciolu.

Uttobre nm. 1. Decesimu mesi di l'annu, cù trentunu ghjorni.

Uttrovi nm. 1. Decesimu mesi di l'annu, cù trentunu ghjorni.

Valetta nf. 1. Bucceddu di certi mammiferi chì li ghjova di vittu.

Vascella nf. 1. Piccula barca.

Vede v. 1. Fattu di parcipiscia maghjini, ughjetti o altri cù i so ochji.

Vendari nm. 1. Quintu ghjornu di a settimana. Ghjornu di u diu rumanu "Venus".

Vennari nm. 1. Quintu ghjornu di a settimana. Ghjornu di u diu rumanu "Venus".

Vicinu nm. 1. Qualchissia chì ùn hè micca luntanu di sè.

Viduta nf. 1. Chì si vede, una scena.

Vittura nf. 1. Veiculu cù quattru roti è un mutori chì ci parmetti di spiazzà si annant'à a strada.

Vociaru nm. 1. Lamentu funebru, abbaddatu.

Zidda nf. 1. Locu cintrali di u caseddu pà riscaldà si è scucinà.

Zitellu nm. 1. Essari umanu, chì ùn hè ancu adultu.

Zunzurunzulà v. 1. Fattu di trincà d'un viulinu.

◆

Fine

Grazie à tutti i cuntributori